Англискиот напаѓач Хари Кејн го освои првиот трофеј во својата кариера. Во неделата, Баерн Минхен ја освои титулата во Германија по рекорден 34-ти пат во својата историја. Ова одликување е прво за голгетерот, кој досега имаше само индивидуални награди.
Баварците ja освоија „Сребренaтa салатиера“ без да играат откако Баер Леверкузен ремизираа 2-2 на гостински терен против Фрајбург. На две кола пред крајот на Бундеслигата, разликата меѓу двата тима е 8 бода.
Минатата сезона, „аспирините“ ја прекинаа серијата на Баерн од 11 последователни шампионски титули, а случајно или не, ова беше првата кампања на Кејн по неговиот трансфер од Тотенхем на „Алијанц Арена“. Една година подоцна, пулените на Винсент Компани повторно го освоија првото место во Германија.
We are the Champions!! 🏆 pic.twitter.com/YYHC7k6ldU
— Harry Kane (@HKane) May 4, 2025
Фудбалерите на Баерн се собраа во ресторан во Минхен, каде што го гледаа натпреварот на нивниот ривал, за да можат да ја прослават титулата доколку ја освојат вчера.
Најактивен во прославите беше Хари Кејн. Англичанецот објави неколку видеа на социјалните мрежи од прославата на Баварците, во кои пееше и се забавуваше со своите соиграчи.