Шпанската полиција објави детали за несреќата во која загинаа португалските фудбалери Диого Жота и Андре Силва.
Двојката загина во сообраќајна несреќа синоќа во 30 минути по полноќ кога пукна гума при престигнување.
Несреќата се случила на автопатот А-52 во близина на Чернадиља во покраината Замора.
Според првичните информации, луксузниот автомобил Ламборџини во кој патувале браќата ја изгубил контролата и се лизнал од патот, по што се запалил.
Diogo Jota’nın Lamborghini marka arabasıyla başka bir aracı sollarken yoldan çıkıp, yaşadığı kazanın gerçekleştiği yer.
📹 Diario de Castilla y Leon pic.twitter.com/JasH7PLTaR
— TK Sports (@Tksportsss) July 3, 2025
Се верува дека несреќата се случила кога задната гума пукнала при обид за престигнување, предизвикувајќи експлозија и пожар што се проширил и на околната вегетација.
„Сообраќајната несреќа се случи утрово во 00:30 часот на 65-тиот километар од автопатот А-52, во општината Чернадиља, во покраината Замора. Возилото излетало од патот, а сите индикации укажуваат дека гумата пукнала при престигнување. Како резултат на несреќата, автомобилот се запалил и двете лица во возилото загинале. Додека се чекаат резултатите од форензичките тестови, една од жртвите е идентификувана како Диого Жота, фудбалер на Ливерпул, а другата како неговиот брат Андре Силва“, се вели во соопштението на локалната полиција.
Сведоците веднаш ја повикале полицијата, но и покрај брзата реакција, било предоцна за Жота и неговиот брат.
Нивните тела биле пронајдени во изгорениот автомобил, а поради сериозноста на штетата, првично не можеле да ги идентификуваат.