Победата на 69-то издание на Евровизискиот натпревар за песна што се одржа во Базел ја извојува австрискиот музичар Џеј Џеј, или Јоханес Пич, со песната „Wasted Love“. Овој квир музичар гордо ја претставуваше својата заедница.
Роден е во 2001 година во Виена, а пораснал во Дубаи. Благодарение на неговиот татко, кој често го носел на караоке и опера, тој се заљубил во музиката. Тој се вратил во Виена со своето семејство во 2016 година.
Џеј Џеј се натпреваруваше во британското издание на „The Voice“ во 2020 година. Негов ментор беше will.i.am. Во истата година, тој учествуваше во шоуто „Старманија“. Студира на Универзитетот за музика и сценски уметности во Виена.
Тој ја напиша песната „Wasted Love“ заедно со Теодора Шпириќ, која ја претставуваше Австрија на Евровизија 2023, и Томас Тарнер. Во финалето на Евровизија, тој освои 436 гласови – 178 од публиката и 258 од жирито.
Тој претходно зборуваше за тоа како првпат слушнал за Евровизискиот натпревар откако Кончита Вурст победи.
„Настапот на Кончита предизвика толку многу „хаос“ што се пишуваше за него во Дубаи, каде што пораснав. Таму беше големо табу ако бевте дел од квир заедницата“, рече Џеј Џеј.
Тој исто така рече дека е квир и дека е среќен што ја претставува својата заедница на ова музичко натпреварување.
„Сега сум гласот на квир заедницата во Австрија. Би им кажал на сите дека треба да се сакаме. Љубовта е најубавото нешто на светот, омразата е најстрашното“, рече тој.