Легендарниот шпански возач Фернандо Алонсо наиде на необичен проблем вчера на вториот тренинг пред Големата награда на Бахреин.
Кариерата на Алонсо трае 25 години, но тој сигурно никогаш не го доживеал тоа што се случи вчера во Бахреин. Имено, на сред возење на Алонсо му отпаднал воланот и му останал во рацете.
За среќа, брзината со која Алонсо се движеше во тој момент во неговиот Астон Мартин не беше преголема, а имаше и среќа што на тркачката патека во Бахреин има многу простор надвор од границите на патеката, па не се заби во ѕидот.
Fernando Alonso's steering wheel has come off 👀
The Spaniard is back in the pits now as Aston Martin investigate the issue #F1 #BahrainGP pic.twitter.com/fV1INSJYM4
— Formula 1 (@F1) April 11, 2025
Алонсо успеа да го искористи своето искуство за да го пронајде патот и да го врати воланот на предвиденото место, а потоа да сврти надесно за да го продолжи кругот за време на тренингот.
Во Бахреин денеска од 14 часот и 30 минути ќе се одржи третиот тренинг, а квалификациите се закажани за 18 часот. Трката е утре во 17 часот.