Кралицата на Божиќ, пејачката Мараја Кери ја објави песната „All I Want For Christmas Is You“ во 1994 година и оттогаш заработува милиони, иако ја напишала за само 15 минути.
Божиќната песна „All I Want For Christmas Is You“, која Мараја Кери ја сними пред точно 30 години, се уште е најслушана за време на празниците, поради што пејачката секоја година заработува околу 2,5 милиони долари.
Ова го објави Форбс, повикувајќи се на пресметката на весникот „Економист“, додека „Њујорк пост“ процени дека сумата е уште поголема, дури три милиони долари.
Кога песната првпат беше објавена во 1994 година, Кери заработи 60 милиони долари.
„All I Want For Christmas Is You“ е дел од четвртиот албум на Мараја Кери и веднаш постигна глобален успех, на врвот на топ листите во 26 земји.
Три децении по објавувањето, таа продолжува да се искачува на стримовите Billboard Hot 100 и Spotify.
Песната, за која самата пејачка рече дека ја напишала за само 15 минути, постојано е меѓу најпродаваните празнични песни, а според Форбс, тоа е првиот празничен сингл што ја добил престижната дијамантска награда RIAA (Асоцијација на индустријата за снимање).
За да ја „заработи наградата“ песната „All I Want for Christmas Is You“ мораше да достигне 10 милиони продажби и стримови.
Две години подоцна, песната беше додадена во Националниот регистар за снимање на библиотеката на Конгресот.
„Тоа е неверојатна чест!“, објави Кери на X (поранешен Твитер) и додаде: „Дефинитивно не замислував дека тоа ќе се случи додека ја пишував и ја снимав оваа песна!“
Според Spotify, „All I Want for Christmas Is You“ запиша раст од 120 проценти на платформата од 2019 година, станувајќи најстримуваната празнична песна на сите времиња и на глобално ниво и во САД.
Сепак, Кери допрва треба да го победи „White Christmas“ на Бинг Крозби, најпродаваниот сингл на сите времиња со 50 милиони продадени примероци ширум светот.