Зендаја воодушеви со својот моден избор на модната недела во Париз овој вторник. Таа носеше предимензионирана јакна во комбинација со балон здолниште.
Актерката се појави на ревијата на Луј Витон за пролет 2025 година, а според пишувањата на некои странски медиуми, таа ги надмина дури и модните комбинации прикажани на пистата. Бидејќи Зендаја е амбасадор на брендот, не е изненадување што таа беше облечена од глава до пети во Луј Витон.
Според Marie Claire, нејзината облека од колекцијата Cruise во 2025 година е стилизирана од долгогодишниот моден стилист Ло Роуч. Зендаја ги комбинираше моќните елементи од 80-тите со враќањето на обемниот тренд на балон здолниште од раните 2000-ти, додека задебелениот црвен кармин дополнително го нагласи нејзиниот стајлинг.
Зендаја смокинг-сако со преголема бела јака, која изгледаше како да лебди над нејзините рамена. Таа не носеше кошула под сакото, што го истакна длабокото деколте и драматичниот контраст помеѓу нејзините исклучително широки раменици и тесниот струк. Црвеното марамче во џебот одговараше на нејзиниот светло црвен кармин.
„Таа е толку совршена“, „Совршенство“, „Зачудувачки“, „Ја сакам оваа облека“, „Модна икона“, „Боже, таа е толку совршена“, се само дел од коментарите под видеото на Зендаја во споменатата облека.