Руски сили, веројатно од 15-та бригада, викендов извршија контранапад против украинските сили во областа Курск, а потоа претрпеа сериозно понижување, пишува „Форбс“.
Цел на нападот било селото Плехово, на јужниот раб на делот од регионот под украинска окупација. Нападот не само што беше неуспешен, туку и заврши на речиси неверојатно ироничен начин. Руската колона се заглави во противтенковски стапици (ровови и редови бетонски пречки) изградени од самите Руси пред украинската инвазија на Курск.
Надвор од селото има две одбранбени структури изградени од Русите: противтенковски стапици и блискиот комплекс на пешадиски ровови. Додека Русите се мачеа да ги пробијат противтенковските замки, 129-та бригада за територијална одбрана на Украина испрати експлозивни беспилотни летала кон нив.
129th TDF.
Large russian mechanized attack near Plekhovo, S-E of Sudzha, Kursk.https://t.co/AfOOnOWe8o pic.twitter.com/MJNMlnOXyJ— imi (m) (@moklasen) September 29, 2024
Руската одбрана која помогна да се спречи последниот руски напад можеше да биде сериозна пречка и за украинска инвазија – но не беше. Руските разузнавачки податоци покажуваат дека одбраната во близина на селото се состоела од неколку водови и најмалку една чета, вкупно околу неколку стотици војници.
Сепак, тие беа фатени од изненадувачки напад на Украина на 6 август и не успеаја да го распоредат своето значително вооружување пред да бидат нападнати од украинските механизирани сили.
Така, противтенковски стапици и ровови паднаа под контрола на Украина. За разлика од Русите, украинските војници од 129-та бригада за територијална одбрана очекуваа контранапад и беа подготвени за тоа.
-Треба да се пофалат руските инженери кои ја изградија одбраната околу Плехово: тие го постигнаа она што требаше, односно го забавија нападот на непријателот доволно долго за бранителите да го искористат своето најдобро оружје, соопштија од руска страна.
Оваа информација, сепак, е мала утеха за Русите кои се заглавени во сопствената стапица.