На состанокот на лидерите на Европската политичка заедница, одржан вчера во Данска, се случила бизарна ситуација во која главен актер бил претседателот на Србија, Александар Вучиќ.
Како што може да се види на видеото објавено од Борко Стефановиќ, претставник во српскиот парламент, Вучиќ дошол во салата каде што биле другите лидери, но збунето гледал наоколу, барајќи место за седење.
Вучиќ прво се обидел да седне на стол кој му припаѓал на воено лице, а потоа организаторите му дале на српскиот претседател место за седење кое личи на училишна клупа.
Stalna blamaža i neverovatan propust našeg protokola. Tužni sirak među vihorove dok izgubljena savetnica Jović pokušava da nađe mesto za baskuznu figuru.
Nije smešno jer oni vode i uništavaju Srbiju 13 godina i zaista tako bude kad nesposobne i alave stavite da vode važne državne… pic.twitter.com/UmAHUUSKgq— Borko Stefanović (@BorkoStef) October 2, 2025
Сепак, бизарноста не заврши тука, бидејќи Вучиќ, во обид да седне на оваа клупа, ја скрши масата што е составен дел од оваа клупа.
Во коментар што го придружуваше видеото, Стефановиќ ја нарече оваа ситуација „постојан срам и неверојатен неуспех на протоколот“ од страна на српската делегација.
„Тажен сирак меѓу виорот додека изгубената советничка (Татјана) Јовиќ се обидува да најде место за несреќна фигура. Не е смешно затоа што тие ја водат и уништуваат Србија 13 години и тоа е навистина она што се случува кога ќе поставите некомпетентни и мрзливи луѓе на чело на важни државни работи“, напиша Стефановиќ.