Легендарниот НБА играч Чарлс Баркли гостуваше во подкастот „Club Shay Shay“, во кој изјави дека српскиот кошаркар Никола Јокиќ е најдобриот странец кој некогаш играл во НБА.
„Дирк Новицки беше најдобриот странски играч во целата историја на НБА, но се додека не дојде Јокиќ. Мислам дека Денвер ќе ја одбрани титулата“, рекол меѓу другото Сер Чарлс.
"Dirk, up until Joker, he was the greatest foreign player ever."
Charles Barkley says Nikola Jokic is better than Dirk Nowitzki 😮 Do you agree?
(via @ClubShayShay)pic.twitter.com/b6rmmWqI6V
— ClutchPoints (@ClutchPoints) May 5, 2024
Иако Денвер беше поразен од Минесота во првиот дуел од втората рунда од плеј-офот на Западот, сепак Јокиќ е прв фаворит за титулата најкорисен играч на НБА во регуларната сезона.
Српскиот кошаркар беше МВП на регуларниот дел од сезоната во 2021 и 2022 година, а минатата година таа титула ја понесе Џоел Ембид. Бројни експерти и поранешни играчи и тренери тогаш тврдеа дека кошаркарот од Србија требало да ја добие и третата награда по ред.
Да потсетиме, Јокиќ минатата година ја освои титулата во НБА со своите Нагетс, а беше прогласен за МВП на финалето. Тој исто така се појави на НБА Ол-стар натпреварите и тоа шест пати од 2019 до 2024 година.