Активистката за заштита на животната средина Грета Тунберг (21) била меѓу десетиците демонстранти кои биле уапсени денеска поради блокирање на пат во Брисел, на демонстрациите против субвенциите за фосилни горива.
Новинар на АФП ја видел Тунберг, која претходно била приведена поради граѓанска непослушност на протестите во различни земји, кога полицијата ја одвела откако одбила да ги напушти блокадите, пренесува РСЕ. Таа смирено го прифатила сето тоа и не се спротивставила.
#TeLoCuento: La activista sueca Greta Thunberg volvió a ser detenida durante una protesta en Bruselas, para exigir el fin de los subsidios a los combustibles fósiles en la Unión Europea.
“Esta crisis climática, que no hace más que escalar, es existencial. Cada segundo que… pic.twitter.com/zG8B2E5Xb4
— Hondudiario.com (@hondudiario) October 5, 2024
Грета била дел од помалата група демонстранти кои се одделиле од маршот организиран од движењето Обединети за климатска правда. Демонстрантите биле опколени од полицијата, а неколкумина биле уапсени, додека присутните скандираа „не сте сами“ додека биле приведувани..
На собирот беше упатен апел до Европската унија да ги прекине субвенциите за фосилни горива, со цел да ја постигне својата амбициозна цел – континентот да го направи јаглеродно неутрален до 2050 година.
„Тоа нема да се случи без итен прекин на субвенциите за фосилни горива“, напишале климатските активисти, научници и економисти во отвореното писмо до лидерите на ЕУ.