Албанската опозиција вечерва протестираше во Тирана, но без говори на политичките лидери на Демократската партија или другите опозициски партии. Толпата се упати кон кабинетот на премиерот Еди Рама каде фрлале со молотови коктели, јавува „A2CNN“.
Албанската опозиција побарала дозвола од полицијата за четиричасовен митинг пред премиерскиот кабинет.
Лидерот на Слободарската партија, Илир Мета и претставници на оваа опозициска партија се приклучиле на протестот што Демократската партија го свикала на булеварот „Маченици на нацијата“ пред кабинетот на премиерот.
Демонстрантите најпрвин се собрале на плоштадот „Скендербег“, а претходно го блокираа и патот кон Градската управа.
На почетокот на протестот дошло до мала тензија меѓу демонстрантите и граѓаните кои сакаа да поминат со своите возила, но сè брзо се смирило
Претходно, дел од демонстрантите запалиле гуми пред зградата на Претседателството, но полицијата брзо го изгаснала пожарот.