Палестинците во северниот дел на Газа денеска известија за силни воздушни и артилериски напади додека израелските војници, поддржани од тенкови, вршат притисок врз енклавата по копно, што предизвика повици од меѓународната заедница за заштита на цивилите.
Според палестинските медиуми, Израел извршил воздушни напади во близина на болниците Шифа и Ал Кудс во градот Газа, додека палестинските милитанти се судриле со израелските војници во пограничната област источно од градот Кан Јунис, јужно од енклавата.
Ниту Хамас ниту израелската војска не ги коментираа денешните борби, а „Ројтерс“ не можеше да ги потврди извештаите на палестинските медиуми.
Watch: Video released by #Israeli army shows ground operations and strikes in #Gaza with armored tanks and bulldozers.
Read more: https://t.co/YjzFAEw8Bt pic.twitter.com/dV01xKQhpU
— Al Arabiya English (@AlArabiya_Eng) October 30, 2023
Објавена е снимка од тенкови на Западниот брег на Газа
Бомбардирањето на Појасот Газа дојде неколку часа откако Израел објави слики од тенкови на Западниот Брег на палестинската енклава, што укажува на можен обид за опкружување на главниот град Газа, два дена откако израелската влада нареди проширени копнени упади преку нејзината источна граница. Некои објавени фотографии покажуваат како израелски војници го поставуваат израелското знаме длабоко во Појасот Газа.
Израелската „втора фаза“ од војната, која избувна пред три недели откако исламистичкиот Хамас ја нападна израелската територија на југот на земјата и спроведе убиствена кампања против населбите и кибуците и учесниците на музички фестивал, во голема мера се одвива далеку од очите на јавноста.