Израелските одбранбени сили (ИДФ), како што официјално се нарекува војската на земјата, објавија видео од ноќниот упад на тенкови во Појасот Газа.
Видеото беше објавено на официјалниот профил на ИДФ на социјалната мрежа Х (поранешен Твитер).
Дронови цело време ги снимале акциите на тенковите, како и воздушните напади кои служеле како поддршка.
In preparation for the next stages of combat, the IDF operated in northern Gaza.
IDF tanks & infantry struck numerous terrorist cells, infrastructure and anti-tank missile launch posts.
The soldiers have since exited the area and returned to Israeli territory. pic.twitter.com/oMdSDR84rU
— Israel Defense Forces (@IDF) October 26, 2023
На снимката е прикажано како тешка градежна механизација ја пробива оградата која го дели Израел од Појасот Газа и го отвора патот за влез на тенкови.
„Како дел од подготовките за следните фази од борбата, ИДФ изврши операција во северниот дел на Појасот Газа. Тенковите и пешадијата на ИДФ погодија голем број терористички ќелии, инфраструктура и позиции за лансирање на противтенковски ракети“, се вели во објавата во која е објавено и видеото.
Во неа се додава дека „војниците во меѓувреме ја напуштиле областа и се вратиле на израелска територија“.
На крајот од видеото, всушност можете да видите како тенковите се враќаат во Израел.