Американскиот државен секретар Ентони Блинкен не можеше да ја задржи својата реакција откако претседателот Џо Бајден го нарече својот кинески колега Си Џинпинг диктатор. Во близина имало камера која ја снимила вознемиреноста на Блинкен, а снимката набрзо почна да кружи на социјалните мрежи.
По четиричасовната средба меѓу двајцата претседатели во Сан Франциско во средата, Бајден бил запрашан дали тој сè уште го смета Си Џинпинг за диктатор, со оглед на неговата употреба на терминот претходно оваа година.
„Тој е диктатор во смисла дека тој е личност која раководи со комунистичка земја… врз основа на форма на владеење која е сосема поинаква од нашата“, рече Бајден.
Веднаш штом го рече тоа, Блинкен направи гримаса, нервозно се помести во столицата и зеде длабок здив пред загрижено да го погледне претседателот.
I’m not gonna lie to y’all, I’ve watched this approximately 257 times… Blinken, dying inside, never gets old
pic.twitter.com/jHDbjh6q38— Rachel Blevins (@RachBlevins) November 16, 2023
Контроверзната изјава дојде во време кога Америка и Кина се обидуваат да ги поправат своите односи.