На социјалната мрежа Х кружи видео, наводно направено во Авдијевка, на кое се гледа како рускиот министер за одбрана Сергеј Шојгу го проверува украинското оружје запленето за време на борбите во градот кој неодамна го зазедоа руските сили.
Шојгу со интерес гледа на запленетата опрема и оружје, а во разговор со заменик-командантот на Централниот руски воен округ, генералот Евгениј Циндијајкин, според достапниот превод, се коментира дека странската опрема, која ја добиле Украинците, „ не му била дорасната на руското оружје“.
На видеото, чија автентичност „Телеграф.рс“ не можеше самостојно да ја потврди, Шојгу се приближува до фрлач на гранати РБГ-6 и со интерес го гледа.
„Чие е ова?“, прашува. „Хрватско“, одговара генералот.
⚡️🇷🇺 TROPHIED WESTERN CRAP in liberated Avdeevka criticized by Russia's Defense Minister Shoigu.
The Deputy Commander of the Central Russian Military District, General Tsindyaykin, draws attention to the shortcomings of Western weapons, such as the US-made M113 armored personnel… pic.twitter.com/8ce13yIDRf
— SIMPLICIUS Ѱ (@simpatico771) February 24, 2024
Станува збор за оружје со дострел од 400 метри, кое користи гранати од калибар 40 милиметри. Фрлачи биле испратени од Хрватска како дел од воената помош за Украина, пренесува „Јутарњи“.
Според достапниот превод, Шојгу може да се слушне на снимката како вели дека западното оружје функционира лошо во руски услови и објаснува дека Украина добила „и стари и нови работи“.
„Тука го имаме целиот потенцијал на воената индустрија“, коментира генералот, а Шојгу, меѓу другото, вели дека „се знае дека калашников е најдобар, иако се уште се обидуваат да го надминат“.