📽 Скарлет Јохансон се појавува во филмот „Сам дома“ – тогаш имала само 13 години

Актерката Скарлет Јохансон има одиграно бројни значајни улоги во познати филмови и серии.

Сепак, многумина дури сега забележаа дека Скарлет имала улога и во филмот „Сам дома 3“.

Приказната на овој филм се одвива околу момчето Алекс кое останува сам дома затоа што добил сипаници, а Јохансон ја портретира неговата сестра Моли. Во тоа време таа беше 13-годишно девојче и иако оваа улога не беше голема, таа го означи почетокот на успешната кариера на Скарлет Јохансон.

Многу луѓе на социјалните мрежи сега објавуваат делови од филмот во кои таа се појавува и коментираат дека до сега не ја забележале познатата актерка.