Еквадорскиот претседател Даниел Нобоа прогласи вонредна состојба на 60 дена, откако водачот на една од најголемите криминални банди во земјата, Адолфо Масијас, побегнал од затворот каде што издржуваше казна.
„Само што потпишав указ за вонредна состојба за вооружените сили да ја имаат сета политичка и правна поддршка за нивните постапки. Помина времето кога дилерите на дрога, убијците и организираниот криминал ѝ диктираа на владата што да прави“, рече Нобоа.
За време на вонредната состојба армијата ќе биде распоредена на улиците и во затворите, а ќе биде воведен и ноќен полициски час, пренесува „Ројтерс“.
🇪🇨 | Ecuador enfrenta una noche de tensión: el crimen organizado intensifica sus acciones tras la fuga del narcotraficante más notorio; el Presidente decreta estado de excepción y despliega militares, mientras se reportan atentados en distintas regiones. pic.twitter.com/qjzoPsjfxz
— UHN PLUS (@UHN_Plus) January 9, 2024
Во неделата Адолфо Масијас, водачот на криминалната банда Лос Чонерос, исчезна од затворот каде издржуваше казна од 34 години.
Затворската агенција на Еквадор соопшти дека во понеделникот имало „инциденти“ во шест од преполните затвори во земјата.
Во затворите во Еквадор често се судираат ривалските банди, а од 2021 година во таквите нереди починале повеќе од 400 затвореници.