Пет лица во авион на крајбрежната стража на аеродромот Ханеда во Токио загинаа како последица на судир со патнички авион, потврди полицијата, јавува телевизијата NHK.
Во авионот Bombardier Dash-8 на крајбрежната стража, кој требало да донесе помош за жртвите од земјотресот, имало шест лица.
Авион на Japan Airlines се судри со авионот на крајбрежната стража при слетување во Токио.
🇯🇵 | URGENTE: Imagenes en directo de la transmisión de televisión que muestra a los pasajeros escapando del avión en llamas.
pic.twitter.com/qb2CScUuTw— Alerta News 24 (@AlertaNews24) January 2, 2024
Јапонската крајбрежна стража соопшти дека нејзиниот авион бил на пат кон аеродромот Ниигата за да достави помош за полуостровот Ното погоден од земјотресот, пренесува новинската агенција „Ројтерс“.
Околу 400 патници се евакуирани од запалениот авион на пистата. Видео објавено на социјалните мрежи ја покажува ситуацијата во внатрешноста на авионот.
Еден од патниците го снимил слетувањето, по што се гледа како густ чад се шири во авионот, а патниците носат маски.