Холандскиот фудбалски гигант Ајакс од Амстердам реши да ја исполни желбата на своите навивачи и да го смени клупскиот грб.
Промената не отиде во нова модерна насока, туку во Амстердам решија да го вратат стариот грб, оригиналниот кој ги красеше дресовите на амстердамскиот клуб од 1928 до 1991 година.
Ајакс потоа го смени грбот, иако ги задржа контурите на оригиналот, само античкиот херој по кој е именуван клубот беше направен во помодерна верзија со 11 линии што ги претставуваат 11-те играчи на теренот.
Ajax Amsterdam, je bent nog net als toen. pic.twitter.com/detN6KoSyk
— AFC Ajax (@AFCAjax) November 17, 2024
Новиот, стар грб денеска ќе биде промовиран на мечот меѓу легендите на Ајакс и Реал Мадрид, во распродадената арена „Јохан Кројф“, а официјално ќе се користи следната година.
Сè е направено под слоганот „Без историја нема иднина“.
„Ајакс на 18 март ќе прослави 125 години постоење. Таа прослава ќе опфати и враќање на класичниот грб. Знаеме дека повеќето од нашите навивачи тоа го посакуваат со години и сметавме дека прославата на клупскиот јубилеј е совршена можност да ги израдуваме нашите навивачи, но и нас самите. Историјата покажа дека ги покажавме најдобрите изданија кога останавме верни на ДНК на Ајакс, па ќе се обидеме да ја одржиме таа ДНК. Враќањето на поранешниот грб ја симболизира таа посветеност и е инспирација за иднината“, изјави Мено Гелен, извршен директор на Ајакс.