Спортинг Лисабон го победи Национал со 3:1 и се пласираше во полуфиналето на турнирот во Лига купот на Португалија. „Лавовите“ стигнаа до успехот без никаков притисок, со сите очи вперени во тренерот Рубен Аморим, кој речиси сигурно ќе го преземе Манчестер Јунајтед.
Пред првиот свиреж, Аморим доби аплаузи од навивачите на „Хозе Алваладе“ како своевидно збогување. На прес-конференцијата по мечот, стручњакот даде одговор на прашањето дали ќе го напушти клубот.
🎙️ "Will you be in the dugout at Old Trafford on Sunday?"
👇 "I will be here [at Sporting]"
🎙️ "Definitely?"
🤣 "I don't know"Ruben Amorim hints at his future amid Manchester United links 🧐 pic.twitter.com/esA402PmO5
— Sky Sports News (@SkySportsNews) October 29, 2024
„Ништо не е решено. Не знам дали ова беше мојот последен натпревар како тренер на Спортинг. Дали во недела ќе бидам на Олд Трафорд? Ќе бидам тука“, изјави поранешниот играч за врска на Бенфика и Брага.
Претходно вчера раководството на Спортинг потврди дека Манчестер Јунајтед се изјаснил дека е подготвен да ја плати ослободителната клаузула на Аморим во висина од 10 милиони евра. Според медиумите во Англија, 39-годишниот тренер веќе ги договорил личните услови со „црвените ѓаволи“.