Фудбалерите на Интер Мајами ја совладаа Филаделфија Унион со 2-1 во дербито за првото место во Источната конференција на МЛС со уште еден чудесен гол на Лионел Меси.
Интер поведе во 23. минута со голот на Роберт Тејлор, а моментот кој нетрпеливо го чекаа навивачите на тимот од Мајами се случи во 55. минута кога Тејлор излезе од теренот и беше заменет од Лионел Меси.
Меси го пропушти тренинг кампот на репрезентацијата на Аргентина поради повреда на адукторот, а неговиот настап против Филаделфија беше под сериозен сомнеж.
Сепак, тој се опорави доволно за да игра околу половина час, а тоа беше доволно за да блесне. Поточно, тој ја покажа својата магија само две минути по влегувањето во игра.
🚨 احتفالية الأسطورة ميسي 😂🏓 pic.twitter.com/RszCx0IXgV
— Messi World (@M10GOAT) March 30, 2025
Интересна прослава на гол имаше и Меси. Откако тренираше со соиграчите, по пристигнувањето до централниот терен, тој се сврте кон публиката и му го посвети голот на Новак Ѓоковиќ со фингирање на удар со форхенд.