Организацијата „Палестинска акција“ објави видео на социјалната мрежа X, тврдејќи дека упаднале во базата на RAF „Брајз Нортон“ во Оксфордшир, која се наоѓа околу 120 километри западно-северозападно од Лондон, што подоцна го потврди и британското Министерство за одбрана.
На видеото објавено онлајн, се гледа како едно лице се приближува кон авионот на електричен скутер додека свири музика. Поради темнината, не е можно да се види што прави, но се чини дека прска црвена боја во моторот на транспортниот авион, а црвена боја е видлива на земјата.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
„Остро го осудуваме овој вандализам врз имотот на Кралските воздухопловни сили. Тесно соработуваме со полицијата која истражува. Нашите вооружени сили го претставуваат најдоброто од Велика Британија. Тие ги ставија своите животи на коцка за нас, а нивното покажување должност, посветеност и несебична лична жртва е инспирација за сите нас. Наша одговорност е да ги поддржиме оние кои нè бранат“, објави Министерството за одбрана.