Во Лигата на нации, Португалија ја победи Шпанија по подобро изведување на пенали (5:4), откако натпреварот беше 2:2 во регуларниот дел.
Фудбалерите на Шпанија водеа двапати со головите на Мартин Зубименди и Микел Ојарзабал во 21-та и 45-та минута, а Португалија се врати преку Нуно Мендеш во 26-та и Кристијано Роналдо во 61-ва минута.
По 90 минути, натпреварот беше 2:2, во продолжението мрежите повеќе не се тресеа, па победникот беше решен со изведување на пенали.
Рамос, Витиња, Бруно Фернандеш и Нуно Мендеш постигнаа голови за Португалија, од друга страна, Мерино, Баена, Иско беа прецизни, но во четвртата серија, Диего Коста го одбрани ударот на Мората.
Рубен Невеш постигна гол за конечни 5:4 и втората титула на Португалија во Лигата на нации, откако го освоија премиерното издание на ова натпреварување во 2019 година, победувајќи ја Холандија со 1:0.
Како што се очекуваше, во центарот на вниманието беше Кристијано Роналдо, кој не можеше да ги гледа пеналите од клупата, а кога Португалија победи, падна на земја и заплака.
Cristiano at FT. 🥲🏆 pic.twitter.com/ta6iHtds1R
— Fabrizio Romano (@FabrizioRomano) June 9, 2025
Иако освои сè што може да се освои, изливот на емоции на Роналдо е само потврда за тоа колку го сака фудбалот и покрај тоа што е на крајот од својата кариера.
Роналдо објави каде ќе ја продолжи кариерата по финалето.
„Мојата иднина? Ништо нема да се промени. Дали останувам во Ал-Наср? Да!“, рече 40-годишниот Роналдо.
На 105 настапи за саудискиот клуб постигна 93 гола и 19 асистенции.