Виктор Вембањама рано утринава против Денвер Нагетс го одигра јубилејниот 100-ти натпревар во НБА.
Судејќи според времето што изминува, кога француската кошаркарска сензација ќе се повлече, тој со себе ќе понесе многу актуелни рекорди во најсилната лига на светот.
Ѕвездата на Сан Антонио Спарс во првите сто настапи во САД постигна позначајни бројки од најдобрите кошаркари на сите времиња во одредени категории.
Да речеме, „Вемби“ има повеќе поени по 100 натпревари од водечкиот стрелец во историјата на лигата (Леброн Џејмс) и, уште поимпресивно, со 221 сантиметар висок, постигна повеќе тројки на првите 100 натпревари од најдобриот „тројкаш“ на сите времиња (Стеф Кари).
Тој подели повеќе блокови од Шекил О’Нил, Дикембе Мутомбо и Хаким Олајџувон, зграпчи повеќе скокови од Ентони Дејвис, Патрик Јуинг и Џоел Ембиид.
Во она што, сепак, не може да им се доближи на споменатите играчи е учинокот на неговиот тим. Во „руки“ сезоната на Вембањама, Спарс освоија 26,8 отсто (22-60) од натпреварите, а во актуелната се на 51,5 отсто (17-16).