Долниот дом на францускиот парламент го одобри буџетот за итни случаи за владината програма од 110 милијарди евра за да се спаси економијата од колапсот предизвикан од коронавирусот.
Буџетот, кој беше одобрен во текот на ноќта, предвидува исплата на бонуси на медицинскиот персонал, средства за да им се помогне на работниците и семејствата, како и финансиска поддршка на деловните субјекти, вклучувајќи стратешки индустрии како што се авијацијата и производството на автомобили, пренесе АП.
Нацрт-законот за буџетски кризи треба да биде одобрен од Сенатот во вторник.
Владата деновиве предупреди дека француската економија, една од водечките светски економии, може да падне за осум проценти оваа година и да ја запише најлошата рецесија по Втората светска војна.