Артритис е болна состојба која предизвикува оток, осетливост и вкочанетост на зглобовите и проблеми со подвижноста. Иако често се поврзува со процесот на стареење, може да влијае на луѓето од сите возрасти и да го отежне секојдневниот живот.
Сè уште не е точно познато што го поттикнува имунолошкиот систем да ги нападне зглобовите, иако одредени фактори, како што се возраста, пушењето и дебелината, го зголемуваат ризикот од артритис. Но, сега една студија откри дека може да има врска помеѓу она што го јадеме и нашите шанси да ја развиеме оваа состојба.
Истражувањето на Универзитетот во Колорадо во САД откри дека одредена храна може да предизвика воспаление во телото. Студијата, објавена во Journal of Clinical Investigation, покажа дека за тоа може да биде виновна есенцијалната аминокиселина позната како триптофан. Ја има во дванаесет популарни намирници:
* пилешко
* мисиркино месо
* црвено месо
* свинско месо
* тофу
* риба
* грав
* млеко
* ореви
* семиња
* овесна каша
* јајца.
Иако триптофанот помага во производството на протеини, мускули, ензими и невротрансмитери и е поврзан со подобар сон, научниците велат дека бактериите во дигестивниот систем можат да го разградат триптофанот во исхраната во воспалителна хемикалија која предизвикува артритис.
Коавторката на студијата, Кристине Кун, препорачува диета полна со растителни влакна и посно месо.
„Медитеранската исхрана, која е богата со растителни влакна и немасно месо, се чини дека го прави нашиот микробиом поздрав, додека типичната западна диета предизвикува воспаление“, рече таа.
Симптомите на артритис вклучуваат болки во зглобовите, осетливост и вкочанетост, воспаление во и околу зглобовите, ограничено движење на зглобовите, топла и црвена кожа над погодениот зглоб и мускулна слабост.
Ако ги почувствувате овие симптоми, треба да разговарате со вашиот лекар.