Претседателот на Србија, Александар Вучиќ, синоќа изјави дека ќе се сретне двапати со претседателот на Соединетите Американски Држави, Доналд Трамп, во следните три до четири дена, пренесува „Анадолу“.
„Ќе се сретнам двапати, од различни причини, во следните четири дена. Не ме држите за збор, ги измешав датумите и временските зони“, рече Вучиќ за време на обиколката на работите во новата детска клиника Тиршова 2, одговарајќи на новинарско прашање кога ќе се сретне со американскиот претседател, додавајќи дека „сè ќе се случи во следните три или четири дена“.
Тој, исто така, најави дека очекува италијанската премиерка Џорџија Мелони да го посети Белград во август или септември, која ја опиша, заедно со претседателката на Европската комисија, Урсула фон дер Лајен, како една од најмоќните жени во светот.