Велешкиот суд денеска му изрече казна затвор од 18 години на триесетгодишниот велешанец Ангелче Николов, кој возејќи пијан на 17 декември лани во 22:15 часот на пешачки премин ја прегази 11-годишната Магдалена Иванова, која почина на местото на несреќата, а тешко ја повреди нејзината мајка, а потоа избега и два дена се криеше од полицијата.
Судијките посочија дека во предвид ги зеле последиците, смртната последица, однесувањето на сторителот откако ја прегазил Магдалена и нејзината мајка, како и умислата. За судот немаше олеснителна околност во тоа што по 30 часа возачот сам се јави во позиција. Тој бил и претходно казнуван за сообраќајни прекршоци и му била одземана возачката.
Николов 5 години има забрана за управување со моторно возило, а времето поминато во затвор не се зема во предвид. Тој на првото рочиште призна вина за делото.
Процесот го водеше судијката Габриела Гајдова.