Експертите на НАСА сметаат дека ерупцијата на супервулкан ќе доведе до повеќе ужасни последици од падот на астероид, соопштува “Индипендент”. Експертите сметаат дека до моментов има околу 20 супервулкана на Земјата, кои можат да се разбудат секој момент. Во исто време тие забележуваат дека ерупцијата на таков вулкан ќе доведе до “вулканска зима”, како резултат на што милиони луѓе можат да загинат.
Како најопасниот меѓу сите супер вулкани научниците одредуваат дека е вулканот во Јелоустоун, во американската држава Вајоминг. Калдера (вулканска формација добиена при пад на кратерот внатре во самиот вулкан), е вулкан со димензии 55 на 72 километри. Сега експертите од НАСА разработуваат план за спречување на ерупцијата на овој вулкан. Како опција може да бидезголемување на обемот на водата за “ладење” на вулканот.