25 лица се заразиле со ковид на журка, меѓу нив и вакцинирани кои биле позитивни на делта сојот

Во германскиот град Карлсруе, најмалку 25 гости се заразиле со коронавирус по забава во дискотека.

Се сомнева дека короната ја добиле од најмалку двајца заразени гости.

Ова жариште досега донесе вкупно 34 инфекции, изјави надлежниот покраински секретар Кнут Билер за тамошен весник.

Шестмина целосно вакцинирани лица биле позитивни на делта сојот.

Инфицираните лица досега имале типични симптоми на корона и никој од пациентите досега немал потешка форма на болеста.