Денес околу 35,000 Литванци формираа 34-километарски човечки ланец од центарот на Вилнус до белоруската граница за поддршка на демонстрантите во Белорусија.
„Повеќе од кој било друг, можете да ги разберете Белорусите, затоа што не толку одамна поминавте низ истото како ние сега“, рече лидерот на белоруската опозиција Светлана Тихановскаја во претходно снимено обраќање.
Тихановскаја. која побегна во Литванија по претседателските избори на 9 август, во кои се соочи против Александар Лукашенко, не присуствуваше на настапот од безбедносни причини, пренесува Ројтерс.
„Горда сум на моите луѓе кои одговорија на повикот и дојдов овде да ги охрабрам Белорусите“, им порача претседателот на Литванија, Гитанас Науседа на насобраните, стоејќи недалеку од крајот на човечкиот ланец на границата со Белорусија.
„Ние не сме рамнодушни и никогаш нема да бидеме“, рече Науседа.
На граѓаните им се придружи и поранешниот претседател на Литванија, Далија Грибаускајте.
LOOK: Lithuanians form a long human chain toward the Belarusian border in solidarity with those protesting election results pic.twitter.com/wllSuWj6S0
— Bloomberg QuickTake (@QuickTake) August 23, 2020
Американскиот амбасадор Роберт Џилкрајст исто така учествуваше во човечкиот синџир, носејќи бело-црвено-бело знаме, кое беше белоруско во раните 90-ти, и сега стана симбол на антивладини протести.
„Драго ми е што им се придружив на толку многу луѓе што покажуваат такво единство со граѓаните на Белорусија“, рече Џилкрајст пред новинарите.
Настанот беше организиран на годишнината од „Балтичкиот пат“, масовен протест против советското владеење на 23 август 1989 година, кога се приклучија два милиони луѓе низ балтичките земји – Естонија, Латвија и Литванија.
Над 200.000 демонстранти се собраа по петнаесетти пат денес во центарот на Минск, во близина на споменикот „Минск-градски херој“, во знак на протест за резултатите од претседателските избори.