Важноста на менталното здравје е несомнена. Ако, како и многу други, се прашувате како да останете стабилни во време на неизвесност и голем стрес, кој дополнително се влошува со пандемијата на коронавирусот, постојат неколку начини да го одржите доброто ментално здравје на дневна основа.
Претходната година беше одбележана со зголемен број на вознемиреност, стравови и депресија кај луѓето, а според експертите, ваквите состојби беа влошени со двегодишната пандемија на коронавирусот.
За да се справиме со секојдневниот стрес и неизвесност, експертите за ментално здравје велат дека е неопходно да се извршуваат одредени активности кои можат да ни помогнат да се чувствуваме стабилно и добро.
1. Важни се малите предизвици
Без разлика дали станува збор за освојување нова фитнес цел или учење нов јазик, психијатарот Саманта Бордман вели дека поставувањето секојдневни предизвици ќе помогне да се изгради издржливост и ментална сила.
Повикувајќи се на резултатите од истражувањето, психијатарот Бордман наведува дека колку поголемо искуство имаме во надминување на малите пречки што самите си ги поставиле, толку подобро сме подготвени да останеме стабилни пред идните ситуации кои се постресни. Овие секојдневни предизвици можат да го зголемат и нашето чувство на самодоверба и доверба во нашата способност да се справиме со тешките ситуации.
2. Размислете за вашите победи
Размислувањето за минатите достигнувања може да не направи поотпорни на идните стресни фактори. Студијата во списанието „Emotion“ покажа дека луѓето ги доживуваат негативните искуства како помалку вознемирувачки откако размислуваат за времето кога успеале да надминат предизвик.
Кога ќе се појават препреки, од клучно значење е да верувате во вашата способност да се справите со нив, затоа сметајте го ова ваш потсетник да размислувате често за вашите победи.
3. Повикајте пријател
Сите ги имавме тие искуства кога расположението ни се подобрило по телефонски разговор со пријател. Исто така, некои студии покажаа дека разговорот со близок пријател го намалува нивото на кортизол кај жените во тешки моменти.
Нема ништо подобро од пријателски телефонски повик секој ден – може да го намали стресот и да го подобри расположението.
4. Прошетка во парк
Времето поминато во природа може да има корисен ефект врз менталното здравје и позитивно да влијае на расположението. Истражувањето спроведено во Германија покажало дека колку повеќе дрвја на улиците во областа каде што живееле испитаниците, толку е подобро нивното расположение.
Тоа е доволна причина да одвоите барем половина час секој ден за прошетка во шума или парк, доколку живеете во урбана средина. Пешачењето благотворно ќе влијае и на менталното и на физичкото здравје.