84-годишниот Дејвид Џејсон откри дека планира да го собере семејството овој Божиќ, а меѓу гостите ќе биде и Аби Харис, ќерката за која дозна дека ја има дури минатата година.
Легендарниот Дел Бој од „Only Fools and Horses“ дознал дека има ќерка откако тестот за татковство потврдил дека таа е негово дете од кратката врска со Џенифер Хил во далечната 1970 година.
Зборувајќи за „The Mirror“ за нивната врска, актерот признал дека првичниот шок, откако открил дека има ќерка за која не знаел, сега полека се намалува откако малку подобро се запознале.
„Полека исчезнува шокот од веста дека имам ќерка за која не знаев. Полека се запознаваме и работите се одвиваат на ова патување на откривање“, изјави актерот кој неодамна го прослави роденденот со својата ќерка со ручек во два дома.
„Од која било причина, надвор од наша контрола, нашите животи штотуку се здружија, па трогателно е чувството да се слават родендени по толку многу години недоразбирања“.
Џејсон, исто така, рече дека се надева дека ќе се поврзе со неговиот внук Чарли: „Се обидувам да го заинтересирам за изработка на модели бидејќи мислам дека е одлично за младите луѓе (или на која било возраст) да можат да се нурнат во нешто тивко и креативно во овој зафатен свет, без да вклучите батерија или приклучок“.
Актерот, исто така, се осврна на „болката и тагата“ поради пропуштањето на претходните години на Аби, но вели дека останува оптимист за градење врска. Неговата намера е семејството заедно да го прослави Божиќ, но и да се собере за неговиот 85-ти роденден во февруари.