Шест лица починаа во последната фаза на тестирање на вакцината против КОВИД-19 на „Фајзер“, откри американската Администрација за храна и лекови (ФДА) само неколку часа откако Велика Британија стана првата земја во светот што почна да ја користи вакцината.
Но, се вели дека смртните случаи не предизвикуваат нови безбедносни прашања или прашања во врска со ефикасноста на вакцината, бидејќи сите репрезентативни настани што се случиле кај општата популација се со слична стапка, заклучи ФДА.
Во брифинг извештај на 53 страници, објавен во средата наутро се наоѓа првата детална анализа на тестирањето на вакцината на „Фајзер“ и „БајоНТех“, кое во ноември откри дека вакцината е 95 проценти ефикасна во спречување на инфекција со коронавирус.
Документите открија дека две лица кои примиле експериментална вакцина починале за време на тестирањето. Уште четири лица кои починале биле на плацебо.
Потврдено е дека вакцината, како што објавија од „Фајзер“, 95% ефективна најмалку седум дена по втората инјекција.
Податоците покажуваат дека вакцината била ефективна само 52 проценти по првата доза.