7 изјави на луѓе кои долго време се лекувале од корона: Мора да го прочитате ова!

од Vladimir Zorba

Сведоштвата на 24 пациенти беа објавени како дел од студијата насочена кон подигнување на свеста меѓу лекарите за состојба која честопати се нарекува „долг ковид“ за пациенти кои долго време страдаат од коронавирус, објави ХафПост.

Учесниците опишаа колку е тешко да се доживеат, разберат и справат со симптомите на коронавирусот и разговараа за опсегот на потребната поддршка – од луѓе, преку Интернет, преку комплементарни терапии, специјални диети и додатоци и преку формална здравствена заштита.

Ниту еден од овие пациенти не бил хоспитализиран, а половина од нив не биле тестирани бидејќи тестирањето било ретко за време на тој период на пандемија. Од вкупниот тестиран број, само еден бил позитивен на коронавирус.

Ковид-19 остава ефекти врз целото тело

Жена која учествувала во истражувањето рече дека порано била физички активна, но дека поради исцрпеност сега едвај оди. Таа изрази загриженост за состојбата на белите дробови, објаснувајќи како после малку напор почувствувала болка во десното белодробно крило.

„Уживав во трчање, вежбање и слични работи. Сега ретко одам на прошетка затоа што знам дека ако одам до крајот на улицата ќе чувствувам болка “.

Пациентите пробуваат што било за да се справат со симптомите

Групите за поддршка на Фејсбук се многу популарни меѓу оние кои се борат со долгорочни симптоми на Ковид. Една 42-годишна девојка рече дека започнала да зема витамин Д, а потоа комбинации на витамин Ц и цинк, за после одредено време да стане несигурна што да користи следно.

„Престанав да земам некое време, а потоа повторно вклучив витамин Д и Б-12, поради чувството на топлина во нозете. Пијам и пробиотици и додатоци на омега-3 “.

Некои од пациентите рекоа дека биле подложени на акупунктура, масажи и други третмани.

Тешко е кога лекарите не ти веруваат

Многу учесници во студијата истакнаа дека имаат потешкотии во пристапот до грижа, делумно затоа што симптомите што ги имале лекарите не биле препознаени како загрижувачки. Сите пациенти кои учествуваа во студијата ја истакнаа важноста да се најде вистинскиот лекар, кој ќе им верува и сериозно ќе се грижи за нив.

Симптомите што се враќаат се сериозни

Педесетгодишен пациент ги опиша симптомите со повторливи симптоми, кои ги доживеале многу заразени со коронавирус. Во еден момент чувствувате дека состојбата се подобрува, а потоа повторно ве погодува неопислив замор или дури и некои други симптоми.

„Сè уште ја чувствував тежината на градите. И тогаш по околу 14, 15 дена се разбудив едно утро и таа ја немаше. Си помислив: готово е. Беше такво олеснување, се сеќавам на тоа чувство“, рече тој и додаде дека симптомите се вратиле по некое време. „Се чувствував како нешто да ме прегази“.

Усогласете го ритамот со вашата состојба

Многу долгорочни пациенти со Ковид изјавија дека е важно да не се претерува со какви било активности за да се избегне враќање на симптомите. 34-годишната пациентка рече дека нејзините симптоми биле толку лоши што не можела да го исчисти морковот веднаш откако ќе ги исчисти компирите – морала да се одмора помеѓу тие две навидум едноставни постапки.

Групите за поддршка се благослов, но тие треба да бидат контролирани

За време на пандемијата, многу луѓе со долготрајни симптоми на вирус побараа утеха и поддршка на социјалните мрежи. Но, некои истакнаа дека и ова може да предизвика вознемиреност.

„Отпрвин беше многу охрабрувачки што не бев сам и не се чувствував како да сум единствениот во таа ситуација, но потоа станува страшно и се обидувам да ги избегнам бидејќи тоа влијае на моето ментално здравје и се чини дека веќе не донесувам логични заклучоци за некои работи “, рече 34-годишниот пациент.

Друга пациентка изјави дека се обидува да не чита премногу совети на групите на Фејсбук бидејќи тие ја прават депресивна и малку нервозна.

Важно е некој да ве слуша

Многу од оние кои сè уште страдаат од Ковид едноставно сакаа да им се слушне гласот – и да им се признае искуството.

„Морам да кажам дека беше многу моќно искуство да разговарам со општи лекари. Со тоа што ме слушаа и што чувствував дека некој ме разбира, иако знаете дека не можат да сторат ништо “, истакна 42-годишна пациентка.

loading...

Слични содржини