8-годишно дете почина од коронавирус во Англија, пријавени се уште 420 смртни случаи

Уште еден тежок ден за Англија, која на првиот ден од Новата година забележа нови 420 смртни случаи од коронавирус, вклучително и осумгодишно дете.

Вкупниот број на смртни случаи во болниците во Англија сега е 50.688.

Според британските медиуми, од 420-те смртни случаи, само 12 пациенти немале претходни здравствени проблеми или хронични болести. Најмалата жртва имала само осум години, а најстарата имала 100 години.

Податоците од Ирска и Велс ќе бидат објавени дури утре.