Дефинитивно храната што ја ставаат во устата е последното нешто што сериозно го размислуваат болните пациенти кои имаат рак. Сепак, јадењето здрави производи е многу важен дел од планот за лекување. Ова го препорачува доктор Ерин Роси, кој работи со пациенти со рак.
„Добрата храна ви дава физички, ментални и емоционални придобивки“, вели таа. Производите што ги консумирате може да ви ја дадат потребната енергија за да се справите со третманот и несаканите ефекти. Јадењето, исто така, го испорачува чувството на задоволство на вкусна и корисна храна.
Имајќи го ова на ум, осигурајте се дека нив ги вклучувате во вашето мени. Пред тоа сепак задолжително усогласете го режимот на храна со вашиот лекар, дали тие се компатибилни со вашето лекување и позитивно влијаат врз вашиот организам, затоа што секој човек е различен.
Сос од домати
Не само што доматниот сос има висока содржина на витамин Ц, но доматите го анулираат непријатниот вкус во устата, кој го имаат заболени од рак, кога се на хемотерапија. Користете едноставен сос од домати без зачини кој лесно може да се консумира. Но, избегнувајте домати ако имате рани во устата.
Мрсна риба
Лососот, туната и сардини не се само извор на протеини, туку и хранливи материи. Тие обезбедуваат омега-3 масни киселини, кои помагаат во одржувањето на вашите мускули. Витамин Б12, му помага на вашето тело да произведе црвени крвни клетки и витамин Д, а е и главна компонента за здрави коски.
Ореви и семиња
Кога енергијата и апетитот ви се ниски, обраќањето кон храната со висока густина може да ви помогне да ги прифатите калориите, од кои имате потреба, како и основните витамини и минерали. Добра опција е грст од ореви и суво овошје, семиња или дури лажица путер од кикирики.
Млечни производи
Калциумот, витаминот Д и протеините ќе ги најдете во млечната храна и ќе ги зајакнете коските. Изберете јогурт за да ја зголемите флората во цревата. Ако сте вегетаријанци или едноставно не го сакате вкусот на млеко, може да пробате со оризово или соино млеко.
Пилешко и мисирка
Бидејќи се лесна храна, може лесно да се консумираат, а во исто време го снабдувате телото со протени. Пилешкото е подобар избор од црвените меса кои може да го зголемат воспалението или да бидат причина за хронични заболувања, како што се оние на срцето.
Темно зелен лиснат зеленчук
Брокула, марула, спанаќ и други зеленчук нудат калциум за зајакнување на коските, а железото го подобрува производството на црвени крвни клетки и магнезиум, кој е од суштинско значење за организмот, но нивоата му паѓаат во текот на лекувањето.
Наут и грав
Овие растенија содржат високо ниво на протеини кои ги штитат вашите мускули и обезбедуваат енергија за да се спречи исцрпеност.
Ѓумбирот
Не е мит: Ѓумбирот навистина помага во борбата со гадењето кое може да е поради несакани ефекти од хемотерапијата и некои лекови. Додајте корен од ѓумбир на вашата храна или чај за да го ублажите гадењето.