Кралицата Елизабета Втора се потруди да го подигне моралот на Британците, тешко погодени од пандемијата на коронавирус и ги потсети „никогаш да не губат надеж“, во говорот објавен на годишнината од крајот на Втората светска војна.
„На почетокот изгледите беа мрачни, крајот далеку и исходот неизвесен“, се сеќава на кралицата за Втората светска војна. „Но, сепак верувавме во оправданоста на нашата борба и таа вера не носеше. Никогаш не се откажувајте, никогаш не губете надеж, тоа беше пораката на денот на победата во Европа“.
Говорот на кралицата се емитуваше на Би-Би-Си во 20 часот по локално време, или точно во времето кога нејзиниот татко, кралот Џорџ VI одржа радио говор во 1945 година.
Говорот е снимен во замокот Виндзор, на околу четириесет километри од Лондон, каде што 94-годишната кралица и сопругот Филип (98) престојуваат од почетокот на пандемијата.
Тоа беше втор телевизиски говор на британската кралица за време на пандемијата во која загинаа повеќе од 31,000 Британци, со што Британија стана втора најпогодена земја во светот.
Говорејќи за војниците убиени во битката, кралицата оцени дека „најголема чест на нивните жртви е што земјите што некогаш биле заколнати непријатели сега се пријателски настроени и работат заедно во корист на мирот и здравјето на сите“.
Елизабета Втора рече дека е горда на тоа како луѓето одговориле на пандемијата, додавајќи дека оние кои учествувале во борбата против нацистичка Германија, исто така, ќе бидат горди на своите наследници во нивната борба против „Ковид-19“.
Годинава, прославите беа откажани поради пандемијата и Британците беа поканети да го одбележат 8 мај дома со песна за подигање на моралот на трупите „We’ll meet again“.
„Денес можеби изгледа тешко дека не можеме да ја одбележиме оваа посебна годишнина како што би сакале“, рече кралицата.
„Наместо тоа, се сеќаваме на нашите домови. Но, нашите улици не се празни. Тие се полни со љубов и грижа што ја имаме едни за други“, додаде таа.