Германија: Пад во дневниот број на заразени, 357 нови случаи

Во Германија, бројот на заразени со коронавирус се искачи на 169.575 во последните 24 часа, откако биле регистрирани 357 нови случаи.

Официјалните податоци покажуваат дека 7.417 лица починале од ефектите на Ковид-19 во оваа земја од почетокот на епидемијата, 22 од нив во текот на претходниот ден.

Овие податоци укажуваат дека бројот на заразени лица во Германија е намален во однос на претходниот период, кога оваа земја се соочи со влошување на епидемиолошката состојба по ублажувањето на мерките.

Сè уште не е познато зошто се намалил бројот на заразени лица.

Познато е дека во Германија имало одложувања во известувањето за нови случаи во текот на викендот, па ќе бидат потребни неколку дена за поцелосна слика, пренесе Би-Би-Си.