Протести против рестриктивните мерки поради коронавирусот се одржаа денес во повеќе европски градови, а најмногу демонстранти имаше во Германија, во Полска полицијата употреби солзавец, додека неколку демонстранти беа уапсени во Лондон.
Во Германија, демонстрантите протестираа главно против рестриктивните мерки воведени поради епидемијата, но се одржуваа и протести на т.н. теоретичари на заговор, противници за вакцинирање, екстремни левичари, ултрадесничари, а имаше и митинзи кои немаат никаква врска со ограничувањата.
Втор викенд по ред, илјадници луѓе се собраа да протестираат во неколку германски градови против рестриктивните мерки поради коронавирусот.
Демонстрациите се одржуваат во Штутгарт, Минхен, Берлин, Франкфурт и на други места.
Во Штутгарт, непознати лица запалија три камиони со опрема за денешните протести, а штетата е проценета на 200.000 евра.
Минатонеделните протести беа полни со инциденти, при што полицијата уапси околу 30 лица во Берлин затоа што не држеа социјална дистанца, ниту пак носеа маски и ракавици за време на протестот во близина на зградата на Рајхстаг.
Во еден момент, полицијата исто така користеше солзавец за да ги растера луѓето.
Протест на работодавците против рестриктивните мерки се одржа во Варшава.
Полицијата уапси десетици луѓе, вклучително и сенатор од опозицијата, и употреби солзавец против демонстрантите.
Протестот не беше дозволен, пренесува АП.
Протест против карантинот и вакцинацијата се одржа во Хајд Парк во Лондон.
Демонстрантите извикуваа пароли како „Слобода“. Некои седеа на тревата и имаа пикник и ги почитуваа мерките за далечина, додека други се собраа во групи.
Полицијата уапси 13 лица.