Времето денеска ќе биде умерено облачно и топло, ќе дува слаб до умерен ветер од југоисточен правец, поизразен вдолж Повардарието.
Во попладневните часови ќе биде нестабилно со локална појава на пороен дожд, грмежи и услови за изолирана појава на град. Минималната температура ќе биде во интервал од 11 до 18, а максималната ќе достигне од 26 до 31 степен. УВ индексот ќе биде 7, информираат од УХМР.
Во Скопје, времето ќе биде умерено облачно и топло, ќе дува слаб до умерен ветер од јужен правец. Во попладневните часови ќе има услови за нестабилност со пороен дожд и појава на грмежи. Минималната температура ќе се спушти до 16, а максималната ќе достигне до 30 степени.
Значителна промена на времето ќе има во среда, кога ќе биде променливо облачно и нестабилно на повеќе места со пороен дожд, грмежи и засилен ветер. Локално ќе има услови за изолирана појава на град. Облачно, посвежо и ветровито со повремени врнежи од дожд ќе биде во четврток. Од петок ќе има стабилизирање на времето.