Најмногу заразени во Скопје, починатите се на возраст од 44 до 83 години

Во изминатите 24 часа регистрирани се 89 ново заразени од корона вирусот.

Во Скопје има 35 случаи, 27 од Штип, 12 од Куманово, 7 во Тетово и 4-ца во Кочани. По еден заразен има во Прилеп, Гостивар, Гевгелија, Струмица и Свети Николе.

Според податоците од Министерството за здравство, шестмина од починатите се регистрирани во ГОБ „8 септември“ , а еден на Клиниката за инфективни болести.

-Починаа 6 лица, двајца од Скопје на возраст од 83 и 80 години, двајца од Куманово на возраст од 73 и 66 години, еден пациент од Струга на 44 години и еден од Тетово на 65 години. На Клиниката за инфективни болести и фебрилни состојби почина еден пациент од Тетово, 54 години, велат од Министерството за здравство.