Врз основа на официјални извештаи, материјал од локални безбедносни камери и видеа на неколку очевидци, Њујорк Тајмс ги реконструира сите настани што му претходеа на убиството на Џорџ Флојд – Афроамериканецот чија смрт ги претвори улиците на големите градови во САД во воена зона.
Се започна на пресекот на 38-та улица и авенијата Чикаго во Минеаполис, каде беше паркиран паркиран син џип вечерта на 25 мај, во кој Џорџ Флојд седеше на возачкото седиште.
Џипот на Флојд беше паркиран веднаш спроти продавницата Cup Foods, каде Афроамериканецот штотуку купил цигари.
Во 19,57 часот по локално време, двајца работници ја напуштаат продавницата и доаѓаат до паркираното возило и бараат од Флојд да ги врати цигарите што штотуку ги купил, но тие се враќаат на работа со празни раце.
Само четири минути подоцна, во 20,01 часот, тие повикале полиција и пријавиле дека Афроамериканецот платил за цигарите со фалсификувана банкнота од 20 долари. Како што се гледа од транскриптот на разговорот, тие известуваат дека Флојд е „ужасно пијан“ и дека „тој не може да се контролира себеси“.
Сопственикот на продавницата пред која сè се случило подоцна кажа дека Флојд е редовен и добредојден клиент и дека тој никогаш не предизвикал проблеми. Сопственикот не бил во продавницата на денот кога се случил инцидентот. Тој објасни дека неговите вработени само го следеле протоколот.
Многу бргу, во 20.08 часот, првото полициско возило влегува во видното поле на безбедносните камери во близина. Двајца полицајци излегуваат од автомобилот и се приближуваат кон џипот на Флојд.
Само неколку секунди откако се приближија, офицерот Томас Лејн го зграпчи пиштолот и му нареди на Флојд да ги стави рацете зад воланот. Не е познато зошто Лејн мораше да го извади пиштолот.
Полицијата го повлекува Флојд од автомобилот, му ставаат лисици зад грб и го носат на тротоарот пред блискиот ресторан, каде Флојд седи мирно на подот, потпирајќи се на ѕидот на ресторанот.
Шест минути по апсењето, полицајците го водат Флојд до полициско возило. Видеата покажуваат дека Флојд паѓа на својот пат од ресторанот до полицискиот автомобил. Според официјалните документи, Флојд одбил да влезе во автомобилот, правдувајќи се на полицијата дека е клаустрофобичен и не може да дише.
Во меѓувреме, на местото на настанот пристигнало друго полициско возило, а во 20.17 часот, трето, од кое излегоа Ту Тао и Дерек Шовин, кои подоцна ќе бидат уапсени заради смртта на Флојд.
Шавин веднаш се придружи на обидот на неговите колеги да го турнат Флојд на задното седиште на полицискиот автомобил. Во еден момент, тој не знае зошто, полицаецот нагло го вади Флојд од возилото и со врзани раце паѓа на земја.
Додека Флојд лежи на патот, двајца очевидци започнуваат да снимаат сè што се случува, а на првите снимки се прикажани дури четворица полицајци кои го држат Флојд заедно, а неговото лице е притиснато на бетонот.
Во 20.20 часот, за прв пат се слуша гласот на Флојд, кој и вели на полицијата дека не може да дише.
Полицијата наскоро ќе повика медицинска помош, со извештај дека Флојд крвари од устата. И покрај тоа, Шовин не го крева коленото од вратот на Флојд уште седум минути.
Неколку видеа на очевидци покажуваат дека Флојд и кажува на полицијата најмалку 16 пати за само пет минути дека не може да дише. Ги моли да го остават да стане и ветува дека ќе влезе во возилото.
Во еден момент, Флојд останува во несвест и лежи неподвижен, кога собраните граѓани ја предупредуваат полицијата да го провери пулсот на Флојд, но Шовин не го крева коленото од вратот на Флојд во ниту еден момент.
Тимот на брза помош пристигнува во 20.27 часот. Додека лекарите го проверуваат пулсот на Флојд и се обидуваат да го свртат на страна, Шовин уште го држи коленото на вратот, и покрај тоа што Афроамериканецот неколку минути лежи целосно несвесен.
Полицаецот го крева коленото едвај кога лекарите го ставиле Флојд на носилки. Коленото на Шовин беше на вратот на Флојд осум минути и 46 секунди.
Флојд е одведен во болница, но наскоро е прогласен за мртов.