Претходно оваа недела, германскиот министер за економија Питер Алтмејер објави дека владата сака да влезе во сопственичките структури на биотехнолошката компанија CureWac од Тибинген. Ова беше објавено во заедничко соопштение со компанијата Dievini, која е главен инвеститор во таа компанија со 80%. Dievini е компанија ќерка на софтверската компанија SAP. Исто така беше најавено дека владата нема да влијае на деловната политика на компанијата CureVac.
Државата влегува во структурите на сопственост на таа стратешка компанија со 23% удел во новите емисии на акции. За тоа, германската државна банка издвои 300 милиони евра за реконструкција на KfW.
CureVac веќе некое време работи на развој на вакцина против коронавирус, а таа стана позната во медиумите откако американската влада, а особено претседателот Доналд Трамп, се обидоа да влијаат на компанијата во март и на тој начин да обезбедат ексклузивен пристап до вакцината дента, кога ќе биде направена.
Повеќе од 160 потенцијални вакцини
Германскиот министер за економија тврди дека технологијата на CureVac „има потенцијал“ да развие и измисли вакцина против вирусот „Ковид 19“. Влегувањето на државата во структурата на таа компанија е исто така дел од планираната стратегија на владата за поддршка на стратешки важни индустрии, кои исто така со влегувањето на државата се стекнуваат со финансиска сигурност. Пред неколку дена, Германија, заедно со Италија, Холандија и Франција, исто така, стапи во соработка со фармацевтската компанија AstraZeneca, обезбедувајќи им на овие земји 400 милиони ампули на вакцината против коронавирус кога ќе пристигнат на пазарот.
Според една студија, повеќе од 160 компании во моментов работат на изнаоѓање нова вакцина. Покрај тоа, постојат околу 260 нови подготовки кои треба да ги ублажат проблемите што се појавуваат по инфекцијата со новиот коронавирус. Една од овие подготовки е ремдесвир од „Gilead Sciences“, која беше развиена во борбата против еболата, а во моментов се подготвува за нејзина употреба против коронавирусот.
Може да се исплати за државата
И додека цените за дополнителен развој на препаратите што веќе постојат се релативно ниски, кога станува збор за потрагата по лекови од нула, тогаш ова е исклучително скап процес. И заради неизвесноста кога станува збор за конечен резултат и поради големиот ризик за компанијата што работи на вакцината. И тоа беше една од причините зошто германската влада одлучи да влезе во сопственичката структура на CureVac.
Второ, државата влегува во структурите на фармацевтски компании кои работат на вакцината, бидејќи огромни средства се потребни не само во процесот на развој, туку и за време на подоцнежното производство на големи количини на вакцини, односно подготовки. Процентот на подготовки што на крајот достигнуваат на пазарот е исклучително низок – дури 97 проценти од истражувањето не водат кон резултати на крајот.
Трошоците за истражување се зголемуваат. Веќе минатата година, дваесет од најважните фармацевтски компании во светот ги зголемија трошоците за истражување за 14 проценти, а годинава, заради потрагата по вакцината за корона, тој процент би можел да се зголеми уште повеќе.
„Растот на фармацевтската индустрија започна дури и пред пандемијата на корона“, вели Герд Штирц од консултантската фирма EY. И трката за профит штотуку започна. Победникот на таа трка се смее на профит, што ќе се мери во милијарди. Од друга страна, влегувањето на германската влада во сопственичките структури на компанија која е во трка од самиот почеток, на крајот би можела да се исплати за државата.