Претставничкиот дом на американскиот Конгрес донесе денес закон, со кој на главниот град Дистрикт Колумбија му се даде статус на 51-ва американска федерална држава.
АП известува дека Капитол Хил објави дека Конгресот има и морална обврска и уставна власт да се погрижи повеќе од 700.000 граѓани на Вашингтон да добијат целосни избирачки права и дека во иднина нема да бидат граѓани кои плаќаат даноци, но немаат свои политички претставници.
Имено, гласачкото право на граѓаните на Вашингтон, Дистрикт Колумбија, се разликува од правата на граѓаните во другите 50 американски сојузни држави.
Вашингтон Д.Ц. не е држава, туку посебна сојузна област и како таков нема избрани претставници во американскиот Конгрес.
Од друга страна, американскиот устав му даде на Конгресот ексклузивна надлежност над Дистрикт Колумбија.
Закон, со кој Д.Ц. требаше да стане 51-та држава во САД, Претставничкиот дом помина со 232 гласови „за“ и 180 „против“, но со оглед на тоа што Сенатот под републиканците мора да го одобри законот, набљудувачите се уверени дека тој ќе се соочи со непремостлива пречка.
„Сето ова се прави заради политичката моќ и демократите да го преземат Вашингтон“, рече конгресменот Чип Рој, републиканец од Тексас.
Доколку законот се усвои во Сенатот, Вашингтон би станал држава Вашингтон, Даглас Комонвелт, во чест на првиот американски аболиционист и државник, Афроамериканецот Фредерик Даглас Вашингтон.
„Владата не отстапува, ако не барате од неа“, потсети градоначалникот на Вашингтон, Мјуриел Боузер на зборовите на Фредерик Даглас и потврди дека граѓаните на главниот град бараат само тоа што им припаѓа – уставно право што го имаат сите други американски граѓани.
Претседателот Доналд Трамп минатиот месец рече дека „Д.Ц. никогаш нема да стане држава затоа што тоа би значело уште двајца демократски сенатори во Конгресот “.
“Не, благодарам. Тоа никогаш нема да се случи “, рече Трамп