Во Хрватска голем пад на новозаразени, 25 случаи во 24 часа

Во Хрватска во последните 24 часа беа потврдени 25 нови случаи на инфекција со коронавирус, што значи дека во моментов има 1.150 активни случаи, а две лица починаа, соопшти денеска Националниот штаб за цивилна заштита, пренесува „Нова“.

Има 57 помалку активни случаи од вчера, рече министерот за здравство, Вили Берош на прес-конференција.

Од 25 февруари, кога е забележан првиот случај на инфекција во Хрватска, досега се регистрирани вкупно 4.370 лица заразени со новиот коронавирус.

Во Хрватска 122 лица починале од коронавирусот од почетокот на епидемијата.