Децата-инфлуенсери понекогаш обезбедуваат приходи за целото семејство. Германската хуманитарна организација за заштита на децата смета дека во многу случаи станува збор за детски труд.
Тие тестираат играчки, слатки и производи за нега. На родендени, во парк или во базен – камерата е скоро секогаш тука. Стотици илјади секојдневно ги следат малолетните инфлуенсери на YouTube, Instagram и Tiktok. Нивните видеа и фотографии се дел од животната реалност на многу деца и млади во Германија, кои сурфаат на социјалните мрежи.
Стотици илјади следбеници
Но, позади камерите и профилите на социјалните медиуми најчесто се родителите. Тие се грижат за налозите, а понекогаш и договорите со компании, кои ги додаваат своите производи во видеата и издвојуваат големи суми за тоа. Некои семејства заработуваат од тоа. Особено популарни сметки на YouTube се „Mileys Welt“ со 887.000 следбеници, „Alles Ava“ со 702.000 и „Mavie Noelle“ со 604.000.
Германската хуманитарна организација за заштита на децата (DKHW) веќе некое време го следи феноменот на детски инфлуенсери во Германија и во многу случаи гледа нова форма на детски труд. Организациите за правата на децата бараат работата на малолетни лица на социјалните мрежи да се усогласи со Законот за заштита на детскиот труд. „Мора да се разјасни дека постојните правила во Германија важат и за детскиот труд на Интернет“, рече Уве Камп, портпарол на ДКХВ за германската новинска агенција ДПА.
Роберт Хенле, кој заедно со сопругата и десетгодишната ќерка Милеј, кој исто така го води YouTube каналот „Мајлис Велт“, смета дека обвинувањата за труд на децата не се оправдани. „На децата секогаш им беше дозволено да работат, но со строги ограничувања. Да не беше тоа, немаше да има каталози во кои се прикажуваат деца, немаше да има деца на телевизија или во кино “, вели тој.
Уживање за време на снимањето
Од 2017 година, ова семејство соработува со државните служби по сопствена желба: педијатар, училиште, услуга за заштита на децата и инспекција на пазарот. „За време на денот на снимањето, ние треба да водиме протокол“, објаснува Хенле. Неговата ќерка Мајли работи само додека се снима на YouTube. Таа не се занимава со каналот или со коментарите. Хенле е убедена дека неговата ќерка ужива во снимањето. И семејството напредува многу подобро отколку кога работеа во смени. Затоа што, тие поминуваат повеќе време заедно и финансиската состојба е подобрена.
Условите под кои на децата им е дозволено да работат во Германија се регулирани со Законот за заштита на трудот на децата. Законот има за задача да ги штити децата и младите од преоптоварување, прекумерни барања и опасности на работното место. Вработеноста на деца во основа е забрането. Исклучоците ги одобрува надлежната служба.
Германското Министерство за семејство, нема податоци за тоа колку деца инфлуенсери има во Германија. Досега нема структурна поддршка за пазарната инспекција и услугите за правата на децата кои се занимаваат со децата инфлуенсери.
На пример, во Франција се дискутира за нацрт-закон, со кој, во согласност со постојното законодавство, се регулира работата и приходот на инфлуенсерите под 16-годишна возраст.
Камп од Хуманитарната организација за заштита на децата се сомнева дека родителите истовремено можат да ја извршуваат улогата на продуцент и супервизор. „Од една страна, тие се продуценти кои би сакале да создадат фантастичен проект, а од друга страна, родители, кои треба да се грижат за своите деца. Тоа е мачна ситуација и за родителите и за децата “.