Корона вирус
Земјите ширум Европа се борат со локално појавување на коронавирус и зголемување на бројот на случаи.
По зголемувањето на бројот на заразени лица во Шпанија и затворањето на целиот град, уште четири европски земји се соочуваат со нови жаришта, поради што тие воведуваат нови или враќаат некои стари мерки.
Германија
Цела фарма со 500 луѓе беше ставена во карантин во германската држава Баварија во неделата, откако 174 работници беа тестирани позитивни за вирусот.
Властите се убедени дека избувнувањето во градот Маминг не се раширило надвор од фармата, пренесува „Еуроњуз“.
Инфицираните и оние кои не биле заразени биле разделени на фармата, а околу неа била поставена жица. Исто така, распоредени се стражари за да се осигури дека никој нема да ја напушта фармата.
Австрија
Само неколку километри подалеку, луѓето во австрискиот град Ст. Волганг во близина на Салцбург беа повикани да останат дома, откако 44 лица беа тестирани позитивно во петокот.
Инфекцијата се верува дека се проширила по забавите во баровите во градот, од кои два сега се привремено затворени. Сите барови и клубови сега се отворени до 11 часот.
Австрија се соочува со зголемување на бројот на пациенти откако ги опушти ограничувањата, поради што канцеларот Себастијан Курц ја врати обврската за носење маски во продавници, пошти и банки.
Австрија досега има пријавено повеќе од 20.000 случаи и над 700 смртни случаи.
Франција
Франција досега избегна да ја врати блокадата, но стапката на инфекција „Р“ на земјата се зголеми на загрижувачки 1,3 во саботата. Ова значи дека заразените можат да инфицираат во просек 1,3 лица.
Дневниот број на пациенти во земјава исто така е зголемен, а во петокот имало над 1.100 нови случаи.
Здравствените власти предупредија дека Франција ризикува да направи чекор наназад во борбата против коронавирусот, во кој загинаа над 30.000 луѓе, а сегашните показатели за инфекцијата потсетуваат на оние што се гледаат во мај на крајот на строгото двомесечно затворање.
– Ние изгубивме голем дел од напредокот што го постигнавме во првите недели на затворањето – рекоа здравствените власти, предупредувајќи дека француските граѓани го спуштаат гардот за време на летните одмори и дека оние кои се тестираат позитивно, не се изолираат доволно.
Француските власти неодамна воведоа казна од 135 евра за лица кои не носат маски на затворени јавни места.
Италија
Јужниот италијански регион Кампња воведе уште построги казни – 1.000 евра за не носење маски.
Покрај казни, деловните субјекти би можеле да бидат присилени да затворат пет до 30 дена.
– Ако нашите сограѓани мислат дека проблемот е решен, тоа значи дека ќе се вратиме во вонредна состојба во рок од неколку недели – предупреди во петокот гувернерот на регионот, Винченцо Де Лука, најавувајќи го овој потег на Фејсбук.
Казни се применуваат за секој што не носи маска во затворен простор, вклучувајќи јавни објекти, супермаркети, барови, ресторани, продавници, како и јавен превоз (автобуси, возови, метрото).
Никој што не носи маска нема да може да влезе во јавниот превоз.
Оние што се фатени дека не носат маски во транспортот, ќе бидат принудени да го напуштат возилото, а доколку одбијат, ќе биде повикана полицијата.
Италија е една од најпогодените европски земји со пандемија на вирусот, со повеќе од 242.000 случаи и повеќе од 35.000 смртни случаи.
Сепак, се чини дека тие го држат вирусот под контрола во моментот, иако се пријавени 275 нови случаи и пет смртни случаи во последните 24 часа.
Шпанија
Шпанија, која беше една од најпогодените земји во првиот бран, повторно пријавува голем број на пациенти. Каталонија затвори места за ноќен живот за да спречи друг бран.
Шпанија во петокот пријави 2.225 нови случаи, трипати повеќе од пред две недели.
Зголемувањето се случи помалку од еден месец откако земјата ја сопре блокадата.
Во Шпанија, повеќе од 272.000 луѓе се разболеле, додека повеќе од 28.000 умреле од вирусот.
Сепак, шпанската влада во неделата објави дека „ситуацијата е под контрола“.
– Жариштата се лоцирани, изолирани и под контрола – изјави министерот за надворешни работи за АФП.
Во меѓувреме, францускиот министер „силно им препорача“ на Французите да избегнуваат да одат во Каталонија, иако француско-каталонската граница сè уште е отворена.
Каталонија во петокот објави дека ќе затвори ноќни клубови и барови за 15 дена.
Каталонија, која е позната по своите плажи и Барселона, во саботата пријавила 1.493 нови случаи и три смртни случаи.
На 17 јули, регионалната влада на Каталонија ги повика околу четири милиони луѓе – вклучително и сите жители на Барселона – да останат дома и да избегнуваат собирање на повеќе од 10 лица.