„Земјите од Западен Балкан разбираат дека нивната економска иднина лежи во регионалната соработка и интеграцијата во европското семејство на народите и успешната економија“, рече Метју Палмер, заменик помошник државен секретар на државниот секретар за Западен Балкан.
На видео самитот организиран од страна на Вашингтонскиот атлантски совет за лидерите на Западен Балкан, Палмер рече дека добар пример за неодамнешна соработка на Западен Балкан е проектот „зелени коридори“, кој беше создаден како одговор на пандемијата на короната, а кои овозможуваат намалување на процедурите за транспорт на стоки во регионот.
На почетокот на конференцијата, тој рече дека модераторот на „Фајненшл тајмс“ и дописник за Југоисточна Европа, Валери Хопкинс, ги коментирал „тензиите“ и улогата на Вашингтон во регионот во последните години и рече дека не треба да се верува во сè што ќе прочита во весниците.
„Односите меѓу САД и ЕУ беа, и ќе бидат, доколку мене ме прашувате, фундаментално кооперативни. Имаме иста визија за иднината, ги гледаме земјите од Западен Балкан како членки на Европската унија, како земји што спровеле неопходни реформи, а САД работат во партнерство со ЕУ“, рече Палмер.
Тој изјави дека САД учествуваат во бројни процеси на Западен Балкан и ги наведе примерите на Северна Македонија и Албанија и претпристапните преговори на двете држави за членство во ЕУ, како и дека земјата поддржува дијалог меѓу Белград и Приштина за нормализирање на односите.
Рече дека Соединетите држави силно го поддржуваат тој процес и дека Специјалниот претставник на ЕУ за дијалог, Мирослав Лајчак, го охрабрува напредокот во тоа.
„Можеме да ги поддржиме земјите во регионот да се соберат, да ставаме идеи на маса и да имаме кооперативен пристап, „зелениот коридор“ е одличен пример за тоа. Ние го поддржавме овој проект, да ја институционализираме таа идеја и да реагираме брзо на предизвикот создаден од Ковид 19“, рече Палмер.
Вели дека е особено заинтересиран за идејата за проширување на „зелените коридори“, кои, според него, покрај тоа што вклучуваат и превоз на разни стоки, можат да се прошират и на целиот Западен Балкан и во ЕУ.
„Идејата е дека постои зелен коридор помеѓу Хрватска, Унгарија и Грција, а Соединетите држави се подготвени да работат на таа идеја со сите во регионот и во ЕУ, со цел да ја поддржат таа цел“, вели Палмер.
САД ја охрабруваат таканаречената иницијатива „мини Шенген“, како и другите земји да учествуваат во таа иницијатива.
Палмер вели дека покрај промовирање на заедничка иницијатива и поврзување на регионот, неопходно е да се спроведат домашни внатрешни реформи во сите земји на Западен Балкан, што ќе им помогне, според него, да го забрзаат патот кон Европската унија и да ги охрабрат американските инвестиции.
„Знам дека американските компании не гледаат само во регионалната клима, туку и на националната, и тие сакаат да знаат дека се спроведуваат реформите, дека владеењето на правото е институционализирано и дека постои предвидливо економско опкружување кое ќе им овозможи враќање на инвестициите“, објаснува Палмер.
Тоа, вели тој, е она што САД можат да го поддржат политички и програмски.
Одговарајќи на новинарско прашање, Палмер рече дека е нормално дека има кинески, руски и ЕУ инвестиции во регионот.
„Ова е нормално. Мислам дека е супер за балканските земји да бидат отворени за сите инвестиции што доаѓаат, без стеги, транспарентно, да е сè засновано на владеење на правото, а не да се потпира на корупција … сите вакви инвестиции треба да бидат добредојдени.” .
Според Палмер, државите од Западен Балкан разбираат дека нивната економска иднина лежи во регионалната соработка и интеграцијата во европското семејство на нации и успешна европска економска структура.
„Тоа е најдобрата можна иднина за Западен Балкан и претставува најдобра можна клима и за Соединетите Американски држави“, заклучи Палмер на онлајн конференцијата.