Илјадници демонстранти се уште се на улиците на Минск денес, откако вчера завршија претседателските избори, во кои, според првичните податоци на Државната изборна комисија, актуелниот претседател Александар Лукашенко победил по шести пат. Полициските вооружени сили се пресметуваат со демонстрантите на брутален начин, но и со новинарите.
Имено, на социјалната мрежа Твитер беше објавено видео, во кое се гледа моментот кога полицијата ја застрелала новинарката на „Наше Нива“ во коленото.
Исто така, во споменатиот твит, се наведува дека војниците им викаат на новинарите „ќе те убијам“.
Погледнете го видеото:
A moment when Nasha Niva journalist was shot in her knee by KGB task force / presidential security service. Soldiers shouting “I’ll kill you” to the journalists pic.twitter.com/KBQxayBZaM
— Tadeusz Giczan (@TadeuszGiczan) August 10, 2020
Колегите дошле на помош на повредената новинарка.
Параненная журналістка “Нашай Нівы”. pic.twitter.com/JJK33w9Jry
— Беларусь інфармацыі (@NEXTA_EN) August 10, 2020
Според странските медиуми, Минск е целосно блокиран.
Потсетуваме кога државната телевизија синоќа ја објави убедливата победа на Лукашенко, граѓаните излегоа на улиците на неколку белоруски градови.
Десетици граѓани се повредени по бруталната интервенција на полицијата, илјадници беа уапсени, а демонстрациите продолжуваат и денес.